शब्दशक्ती
शब्दे वाटू धन, जन लोकां….

प्राधान्यक्रम ठरवण्यासाठी आलेख

• तुमच्या समोरच्या कामाची निकड किती आहे ते ठरवा.
• तुमच्या समोरच्या कामाचे तुमच्यासाठीचे महत्व किती ते ठरवा.
• त्यानुसार हे काम कोणत्या चतुर्भागात येते हे वर दिलेल्या आकृतीचा वापर करून ठरवा.
• जर एक या चतुर्भागात काम असेल, (महत्वाचं आणि निकडीचं) तर ते तुम्हाल करावंच लागेल. ते लगेच करायला घ्या आणि करून टाका.
• जर दोन या चतुर्भागात काम असेल तर फारच उत्तम. निकडीचं आणि महत्वाचं काम (पहिला चतुर्भाग) संपल्यावर हे काम लगेच करायला घ्या. कारण ते आज निकडीचं नाही पण महत्वाचं आहे. त्यामुळे ते शांतपणे आणि निश्चिंत मनानं तुम्ही करू शकाल. या चतुर्भागात कामं करणं अंतिमतः कल्याणकारी आहे. कारण त्यामुळे कामांचा ताण येत नाही, आणि कामं गुणवत्ता-पूर्ण होतात.
• तीन या चतुर्भागात काम येत असेल तर ते करण्याचं टाळलेलं बरं. कारण ते निकडीचंही नाही आणि महत्वाचंही नाही !
• चार या चतुर्भागात काम येत असेल तर ते निकडीचं असतं पण तुमच्यासाठी महत्वाचं नसतं. हा प्रकार थोडा समजून घ्यावा लागेल. एक उदाहरण घेऊया. माझी खोली स्वच्छ नाही. तासाभरात माझ्याकडे पाहुणे येणार आहेत. अशा वेळी ही स्वच्छता निकडीची आहे पण ती मी करणं महत्वाचं नाही. माझ्या सहाय्यकावर ही जबाबदारी सोपवणं योग्य होईल, ज्याचं तेच काम आहे.
  

मागील पान पुढील पान

अनुक्रमणिका